Hristo Iliev theu rekordin bullgar në 60 metra tre herë brenda një muaji

Hristo Iliev është rekordmeni i ri kombëtar bullgar në 60 metra për meshkuj, pasi tre herë në shkurt ai përmirësoi arritjen e Petër Petrov prej 6.58 sekondash, e cila ishte në krye të renditjes bullgare për 48 vjet.

Iliev e vrapoi për herë të parë distancën në 6.54 sekonda në një turne në Beograd në fillim të shkurtit. Një javë më vonë ai u bë përsëri kampion ballkanik në Beograd me 6.53 sekonda. Të shtunën, sportisti i trajneres sonë të madhe Valja Demireva përmirësoi rekordin më të lartë të Bullgarisë në 60 metra duke arritur rezultatin 6.51 sekonda në Kampionatin Shtetëror të Atletikës në Sofje.

Rezultati i Iliev është gjithashtu nr. 1 në Evropë për të rinjtë nën 23 vjeç.

Lexoni më shumë në arkivin e Radio Bullgarisë: 

• Dy rekorde kombëtare në atletikë në një turne në Beograd
• Hristo Iliev është njeriu më i shpejtë në Ballkan në 60 m
• Hristo Iliev, i katërti në renditjen historike të Bullgarisë në 60 m

 

Redaktoi: Miglena Ivanova

Përgatiti në shqip: Vesella Mançeva