Ish-presidenti dhe politikan aktual kritikon qeverinë teknike për Iranin

Bullgaria ndodhet në afërsi të drejtpërdrejtë të dy konflikteve të armatosura. Sulmet kundër Iranit krijojnë rrezik real për sigurinë bullgare, deklaroi ish-presidenti Rumen Radev. Në Facebook ai thekson se shqetësim të veçantë ngjall sjellja pasive e qeverisë teknike, “e cila i nënvlerëson rreziqet dhe nuk ndërmerr masa urgjente”. Radev bën thirrje për një kontroll në rezervën shtetërore mbi sasitë e disponueshme të naftës, gazit dhe karburanteve të lëngshme. Për shkak të një fluksi të pritur të migrantëve, ai bën thirrje për koordinim evropian për ruajtjen e kufijve shtetërorë. Politikani pret që qeveria e përkohshme të rrisë gatishmërinë për kundërvënie ndaj terrorizmit dhe kërkon masa për kapjen e dronëve dhe raketave balistike. Paralelisht, ai pret edhe frenimin e spekulimeve pas vendosjes së euros në vend, të cilat sipas tij janë në rritje.

• Nuk kakërcënim të drejtpërdrejtë ushtarak për Bullgarinë
• Ministrii Mbrojtjes: Nuk ka arsye që vendi të jetë shënjestër e një sulmi ajror
• Ministrja e Jashtme Nejnski: Irani duhet të braktisë programin e tij bërthamor

Redaktoi: Ivo Ivanov

Përgatiti në shqip: Svetllana Dimitrova