Smjadovo po përgatitet për Festën e Lukankës dhe të Byrekut Autentik

Bashkia e qytetit Smjadovo, në qarkun e Shumenit, organizon më 14 mars, të shtunën, Festën e Lukankës së Smjadovos dhe një konkurs për byrekun më të shijshëm dhe më autentik. Këtë e bëri të ditur kryetarja e bashkisë, Ivanka Petrova. “Ambicia jonë është të krijojmë një treg të vogël fermerësh dhe një konkurs për byrek. Paratë e mbledhura nga shitja e byrekëve do t’i dhurojmë për restaurimin e kishës, për të cilën po mbledhim fonde prej disa muajsh”, tha Petrova.

Smjadovo gjithmonë është lidhur me lukankën e Smjadovos, edhe pse sot ajo prodhohet në shumë rajone, ndërsa në Smjadovo bëhet vetëm në shtëpitë e banorëve. “Derri i zi (derri i Ballkanit Lindor), nga i cili dikur përgatitej, tashmë nuk gjendet më, por ne e bëjmë nga kafshë të tjera shtëpiake”, tregoi Petrova.

Redaktoi: Miglena Ivanova

Përgatiti në shqip: Svetllana Dimitrova