Personalitete të shquara të kulturës u nderuan me Shenjën e Nderit

Me rastin e Ditës së Arsimit, 24 Majit, presidentja Ilijana Jotova u dorëzoi Shenjën e Nderit personaliteteve të shquara në fushën e kulturës dhe arsimit.

Ndër të vlerësuarit janë muzikanti dhe kompozitor i njohur Mitko Shterev, sekretari shumëvjeçar i Qendrës Kulturore “Zarja” në Haskovo, Aleksandër Millushev, poeti dhe publicisti Atanas Kaprallov, dr. Veselin Aleksandrov për veprimtarinë e tij bamirëse me rëndësi shoqërore, dr. Elena Kantareva, si edhe veprimtari shoqëror dr. Ivan Angellov.

Për kontributin e rëndësishëm në promovimin e gjuhës dhe letërsisë bullgare, Shenja e Nderit e presidentes do t’i dorëzohet edhe profesorit Gë Xhësjan, pedagog i gjuhës bullgare, i cili ka mësuar breza të tërë studentësh të gjuhës bullgare në Universitetin e Gjuhëve të Huaja në Pekin.

Redaktoi: Darina Grigorova

Përgatiti në shqip: Svetllana Dimitrova