Fundi i javës së punës do të jetë me diell

Të premten temperaturat minimale do të jenë nga 12 deri në 18°C. Për Sofjen pritet temperatura minimale të jetë 12°C. Gjatë ditës moti do të jetë kryesisht me diell. Në orët e pasdites do të shtohet vranësira kumuliforme. Në vende të veçanta në pjesën lindore të vendit dhe në zonat malore do të ketë reshje të shkurtra shiu. Do të fryjë erë e dobët deri mesatare nga perëndim-veriperëndim. Temperaturat maksimale do të jenë nga 26 deri në 31°C. Në kryeqytet do të jenë rreth 26°C.

Përgjatë bregdetit të Detit të Zi vranësira do të jetë më shpesh e konsiderueshme. Në disa vende, kryesisht pasdite, do të ketë reshje shiu. Para mesditës do të fryjë erë mesatare nga perëndimi, ndërsa pasdite – nga lindje-juglindje. Temperaturat maksimale të ajrit do të jenë nga 25 deri në 28°C. Temperatura e ujit të detit është nga 24 deri në 26°C. Dallgëzimi i detit do të jetë 1–2 ballë.

Në male moti do të jetë kryesisht me diell. Në orët e pasdites do të zhvillohet vranësirë kumuliforme. Në vende të izoluara do të ketë reshje të dobëta dhe afatshkurtra shiu. Do të vazhdojë të fryjë erë mesatare, ndërsa në pjesët më të larta malore erë e fortë nga perëndim-veriperëndim. Temperatura maksimale në 1200 metra mbi nivelin e detit do të jetë rreth 22°C, ndërsa në 2000 metra rreth 14°C.

Të shtunën moti do të jetë me diell në të gjithë vendin. Era do të kthehet nga jugu dhe do të jetë kryesisht e dobët. Temperaturat do të rriten dhe maksimalet do të jenë ndërmjet 29 dhe 34°C.

Në Ballkan, pas kalimit të frontit të ftohtë atmosferik, mundësia për reshje është shumë e vogël. Më shumë vranësira do të ketë para mesditës në Rumani dhe përgjatë bregdetit bullgar të Detit të Zi, ndërsa pasdite, kryesisht mbi zonat malore, do të zhvillohet vranësirë kumuliforme. Moti do të jetë më i freskët se zakonisht në rajonin e Ngushticave.

Në Athinë temperatura do të jetë 31°C, në Beograd 29°C, në Bukuresht 30°C, ndërsa në Stamboll parashikohet të arrijë deri në 28°C.

Në Evropë, të nxehtit në shumë rajone të pjesës perëndimore të kontinentit vazhdon. Temperaturat ditore në Francë dhe Angli do të arrijnë dhe do të tejkalojnë 35–37°C. Ftohja nga perëndimi i Gadishullit Iberik do të vazhdojë, ndërsa nga veriu i Ishujve Britanikë, ku do të ketë reshje të dobëta shiu, gjithashtu do të fillojë një ulje e ngadaltë dhe e lehtë e temperaturave. Në shumë rajone moti do të mbetet kryesisht me diell. Mbi Alpe do të ketë vranësira kumuliforme dhe reshje të shkurtra pasdite. Moti do të jetë i paqëndrueshëm në Evropën Veriore dhe në gjysmën lindore të kontinentit. Do të mbizotërojë vranësirë e dendur; në disa vende të Gadishullit Skandinav dhe në Finlandë do të bjerë shi, ndërsa në vendet baltike, Ukrainë dhe Rrafshinën e Evropës Lindore reshje shiu dhe stuhi do të ketë në shumë zona. Në Itali moti do të jetë me diell, me shtim të përkohshëm të vranësirave, por vetëm me reshje të izoluara pasdite.

Në Romë temperatura do të arrijë deri në 32°C, ndërsa në Madrid deri në 35°C. Në Paris do të jetë deri në 37°C, ndërsa në Londër parashikohet deri në 30°C. Në Berlin do të jetë 26°C, ndërsa në Moskë priten rreth 27°C.

Në Toronto moti do të jetë me vranësira dhe reshje të dobëta shiu, me temperatura deri në 28°C. Në Nju Jork do të ketë shi dhe bubullima, me temperatura deri në 30°C. Në Çikago do të ketë vranësira të ndryshueshme dhe temperatura deri në 26°C. Në Los Anxhelos moti do të jetë me diell, me temperatura deri në 31°C.

Redaktoi: Ivo Ivanov

Përgatiti në shqip: Sindi Nikollofski