Nuk marrim pjesë në koalicione për ndihmë ushtarake ndaj Ukrainës

Kam marrë personalisht një ftesë nga presidenti Macron për pjesëmarrjen e Bullgarisë në “Koalicionin e të Gatshmëve”, por ne nuk marrim pjesë në një koalicion që këmbëngul për vazhdimin e ndihmës financiare dhe ushtarake për Ukrainën. 

Këtë e deklaroi Kryeministri Rumen Radev para gazetarëve bullgarë në Paris, përpara paradës tradicionale ushtarake me rastin e festës kombëtare të Francës, njoftoi BNR. 

“Besoj se zgjidhja e këtij konflikti nuk qëndron në zgjatjen e tij me mjete ushtarake, por në një mision të fuqishëm diplomatik që më në fund të vendosë fundin e përshkallëzimit”, tha më tej Radev. 

I pyetur për koalicionin e ri të mbrojtjes raketore “Freja” dhe nëse Bullgaria është e interesuar për të, kryeministri deklaroi se çështjet që lidhen me sigurinë kolektive të Bullgarisë vendosen në kuadër të NATO-s dhe Bashkimit Evropian. 

“Deri tani kemi parë shumë propozime dhe ide, por vendimet merren në një format tjetër dhe Bullgaria merr pjesë aktivisht në të gjitha këto formate”, sqaroi Radev.

 

Redaktoi: Ivo Ivanov

Përgatiti në shqip: Vesella Mançeva