Parashikimi i motit për 15 korrik 2026

Të mërkurën temperaturat minimale do të jenë nga 14 deri në 20°C. Për Sofjen pritet të jenë rreth 14°C. Gjatë ditës moti do të jetë me diell. Në orët e pasdites mbi rajonet lindore dhe zonat malore do të ketë vranësira, por reshje do të ketë vetëm në disa vende. Në Bullgarinë Lindore do të fryjë erë e dobët deri mesatare nga veriu-veriperëndimi, ndërsa pasdite përgjatë bregdetit të Detit të Zi nga lindja-verilindja. Temperaturat maksimale do të jenë nga 31 deri në 36°C. Në kryeqytet do të arrijnë rreth 32°C.

Përgjatë bregdetit të Detit të Zi moti do të jetë me diell, ndërsa rreth mesditës dhe pas saj do të zhvillohen vranësira. Vetëm në disa zona të bregdetit verior mund të ketë reshje të lehta shiu. Do të fryjë erë e dobët deri mesatare nga veriu-veriperëndimi, ndërsa pasdite nga lindja-verilindja. Temperaturat maksimale të ajrit do të jenë nga 26 deri në 30°C. Temperatura e ujit të detit do të jetë nga 22 deri në 24°C. Dallgëzimi i detit do të jetë 1–2 ballë.

Në male gjithashtu do të mbizotërojë moti me diell. Pasdite do të zhvillohen vranësira, por reshje të izoluara janë të mundshme vetëm në disa zona. Do të fryjë erë e dobët, ndërsa në lartësitë më të mëdha - erë mesatare nga veriu-veriperëndimi. Temperatura maksimale në 1200 metra mbi nivelin e detit do të jetë rreth 22°C, ndërsa në 2000 metra rreth 14°C.

Të enjten paradite moti do të jetë kryesisht me diell, por në orët e pasdites në shumë vende të vendit do të ketë reshje të shkurtra shiu të shoqëruara me bubullima, duke sjellë freskim të përkohshëm. Temperaturat maksimale do të jenë 1–3°C më të ulëta.

 

Redaktoi: Ivo Ivanov

Përgatiti në shqip: Vesella Mançeva